القاهرة - الدار البيضاء اليوم
نشرت الفنانة أيتن عامر صورة جديدة ظهرت خلالها وهي تغني، وذلك عبر حسابها الرسمي على موقع تبادل الصور والفيديوهات الشهير"انستجرام".
وعلقت أيتن على الصورة قائلة:"وانا فى المدرسة كان عندى مدرسة موسيقى اسمها مس سمر اثرت فيا بشكل كبير علمتنى العزف على كل الآلات الموسيقية و اولها كان الاوكورديون مع انه كان اكبر منى اصلا كنت وقتها فى تالتة ابتدائي وكنت بمشي طابور المدرسة كله وكنت كل يوم انا اللى بعزف النشيد
الوطني و موسيقى التمارين ولما كان حد من الشباب بتوع الدرامز كان بيغيب او بيتأخر كانت مس سمر بتمسك الاوكورديون و انا كنت بستلم الدرامز".
وتابعت : "دة غير انى كنت بطلة حفلات المدرسة من اول فقرة الشعر الفرنساوى لحد استعراض الحب نادانى لحكيم حببتنى فى الغنا جدا لدرجة ان كنت فعلا حلمى أكون مطربة و اعمل اغانى حلوة
وفعلا لما كبرت و قبل ما امثل مضيت مع شركة انتاج اغانى و نفذت أغنيتين بس قبل ما ننزلهم كنت ابتديت تمثيل وحسّيت انى موهبتك كممثلة اكبر كتير من الغنا و الحمد لله نجحت ، بس احد دلوقتى فى حاجة جوايا مش قادرة اخبيها اكتر من كدة انا نفسي اعمل اغانى حلوة و مش قادرة تنفذ الخطوة دى بصراحة".
قد يهمك أيضا:
أيتن توضّح أن "الأخ الكبير" عمل فني متكامل وردود الأفعال فاقت توقعاتها