أثارت الفنانة "مونيا لمكيمل"، بطلة السلسلة الكوميدية "طوندونس"، جدلا كبيرا جدا عقب نشر تدوينة عبر حسابها الفيسبوكي، عرت من خلالها جانبا من الواقع المظلم الذي تعيشه المرأة المغربية من معاناة في صمت، بعد أن سلطت الأضواء على "تسميات" سلبية تطاردها، من قبيل "البايرة"، "الهجالة" والمطلقة".

جاء في تدوينة "مونيا": "الزواج ماشي انجاز، هذاك راه سنة الحياة، الانجاز الحقيقي فالزواج أنك تلقى رفيق الدرب اللي تنسجم معاه، واللي يكملك ويكون سند فالفرح والقرح يكون الصاحب (ة) والأخ (ة) والحبيب(ة)، وولي الأمر الصالح للوليدات وتكون العلاقة مبنية على الثقة والوضوح والتوااااااصل"، قبل أن تتابع مستدركة حديثها: "إلا مالقيتيهش غا بلاما تلوح راسك في علاقة زوجية فاشلة باش تاخذ لقب متزوج(ة) قدام المجتمع، ومن ورا عام توقف في محكمة الأسرة".

واعتبرت بطلة سلسلة "طوندونس" أنه: "بالنسبة للبنات اللي ماباغينش يتزوجو فسن مبكر وكيفضلو التحصيل العلمي والتوظيف وتحقيق الأحلام.. باش من حق كيتسماو بايرات؟ واش لاباس؟"، موضحة أنه: "كيفما الولد ممكن يبقى حتال ورا 40 عام عاد يتزوج حتى المرأة من حقها تختار السن اللي كتشوف فيه راسها ناضجة وقادرة تكون أسرة واللي كيشوفها شارفة حتى حد ما بززها عليك، سير اختار بنت 18 سنة، ولكن يا أخي تيق بيا راك بينك وبين نفسك كتشوف راسك مقادرش تعمر ليها العين حيث هي جايلة وقارية وشافت حضارات ديال دول اخرين وتكونات وشخصيتها قوية، بعكس المراهقة اللي تجربتها فالحياة بسيطة وتقدر بسهولة توهمها بكلام لا أساس له من الصحة باش تبان انت المسيطر".

وشددت "مونيا" على أن: "الرجل القوي لا يخشى المرأة القوية"، مشيرة إلى أن: "اللي ماتيسرش ليها فالخدمة ولا الظروف المادية ماساعدتهاش تكمل قرايتها ماشي عيب تتعلم صنعة ولا تبيع وتشري، المهم راها عنصر فعال، عكس اللي باغا تجيبها بالتجارة بفورمتها، وحتى اللي اختارت تتزوج وتجلس فدارها تربي وليداتها راه حقها هاداك وهي حرة".وختمت نجمة فرقة "البساط" للمسرح تدوينتها بتوجيه رسالة مؤثرة: "عافاكم باراكا من تسميات (بايرة مطلقة هجالة…)، والله حتى عيب راعيو لنفسية الناس، كل واحد عالم بيه غا ربي، والله يسهل لكل وحدة فداكشي اللي فيه الخير ويرضي الله".

قد يهمك ايضا

ناشطات "أحزاب الكتلة" ترسمن "صورة سوداء" لواقع المرأة المغربية

قنصلية فرانكفورت الألمانية تحتفي بالمرأة المغربية