صدور ديوان "ذكرى يناير" عن دار سندباد

صدر ديوان (ذكرى يناير) للشاعر وليد الوصيف، عن دار سندباد للنشر والتوزيع بالقاهرة مارس 2013، وجاء الكتاب فى 134 صفحة من القطع المتوسط، ولوحة الغلاف من تصميم الفنان هشام محيى. ويضم الديوان 44 قصيدة من شعر العامية المصرية وهم: أدلى بصوتك ـ العجز فى القبطان يا مصر ـ موت الحلم ـ صوت الميدان ـ يا عم الحاكم ـ يا بلطجى ـ صورتك الجديدة ـ سبب موتى ـ قمة العار ـ فيلم قتلنا ـ والله عيب ـ لا تخجلى أيتها الفتاة ـ لا عسكر ولا إخوان ـ حزب الكنبة ـ مصريين بيقولوا مصرية ـ رسولنا أعظم نبى ـ أم الكل ـ إحنا بشر ـ العقارب واقفة ـ أنا الصواب ـ نفسى أشوفك وأنت قالعة ـ بعينى شفت ـ مش فاهمين فيه أيه؟ ـ يخرب بيت جمال ثورتك ـ كفاية عك ـ عار العار ـ صوابع روج ـ ملعونة أبو الثورة ـ إنسى رجوع الكرامة ـ بنحلم ـ ذكرى يناير ـ رحت فين ـ حق الشهيد ـ رئيس مصر ـ الدقن السياسية ـ بجد مصرى ـ الحبل السُرى ـ محفوظ فيك حقى ـ أنت مين؟ 41ـ بقينا مكسوفين ـ تكلمى ـ عصا سحرية ـ صمتك ليه؟ والجدير بالذكر أن الشاعر وليد الوصيف شاعر مصرى من مواليد قرية الدراكسة مركز منية النصر محافظة الدقهلية وتاريخ الميلاد: 28/3/1978م، وهو كاتب صحفى بالكثير من الصحف المصرية والعربية، وحاصل على المركز الثانى فى كتابة المقالات فى منتدى الأمل نت على شبكة الإنترنت2009م، وحاصل على وسام الشاعر الواعد فى مسابقة الشعر العامى من ملتقى الأدباء والمبدعين العرب 2010م، وقد صدر للشاعر من قبل: دموع قلب ـ ديوان شعر 2008م وديوان ولا ينتهى فى حبها الكلام ـ شعر ـ سندباد للنشر بالقاهرة 2010، وله تحت الطبع كتاب بعنوان (فخ الإخوان) يضم مقالاته التى يكتبها بجريدة اليوم السابع وجريدة المصرى اليوم. ويقول الشاعر وليد الوصيف فى قصيدة (إدلى بصوتك): إدلى بصوتك من غير لحمة تمن الكيلو راس فى الوحله وعمر ما بلدك ترجع أحلى ويقف الكيلو عليك بكتير خليك حر وإدلى بصوتك ضاعت مصر تمن لسكوتك إوعى الفرصة يا صاحبى تفوتك مش عايزين نفضل طراطير إوعى تقولى عجوز وعجوزه وصوتك ميت ومالوش عوزه لساك عافى وبتشرب جوزه ولسه فى صوتك كل الخير إوعى تقول زهقان م الزحمه إدعى لربك يبعت رحمه إفرح حس إن إنت فى رحله هدفك ترجع منها بخير إوعى تقول موجود تزوير ومهما عملنا مفيش تغيير خلى النية يا عمنا خير واللى عليك اعمله بضمير لو قررت إن إنت تطنش بحجة إن صوتك متهمش يبقى ح قول بس ما تتغمش إنت بتكره لينا الخير إوعى تقول أنا ما تعلمتش والبرنامج أنا ما فهمتش إسأل ابنك لو ما عرفتش وابنك عنده أكيد تفسير اختار واحد فكره سليم قلبه حنين شاب حليم بكل مطالب الثورة عليم وعمره ما فكر يبقى أمير ما تصدقش كلام متسكر كل الشعب فى دمه السكر واللى يقولك شاى أو سكر قوله فارقنا بدون تفكير واللى يطلع ليك مظروف قوله إتمشى بعيد يا خروف رغم ظروفى أنا ليك مكسوف ورب العرش عليه التدبير إوعى ترجع كرسى الماضي شلة وعُودها كلام فى الفاضي كل غرضها فلوس وأراضي وعُصبة تقوله تمام يا كبير ذنب شهيد الثورة فى صوتك إوعى تبيعه ولو على موتك فكر مين يستاهل صوتك لازم يبقى الصوت بضمير