نصائح للحصول على علاقة حب قوية

1.التعبير مش اى كلام يبقى تعبير .. لازم تتعلمى ازاى توصليله مشاعرك و تفهمى هو عايز يقول ايه او بيفكر فى ايه قبل ما يقولك .. ده من اهم مقومات علاقه قويه و ناجحه 2.خصصى وقت له مع مرور الوقت و وجود الاطفال و الشغل و شغل البيت ..كل الوقت اللى كان مخصص ليه هو راح و بقى اقل كتير اوى عن الاول .. خلى بالك عشان ميدورش على النوع ده من الهتمام بره 3.المشاكل حاولى مش كل حاجه تضيقك تتنرفزي و تتخانقى بسببها .. ممكن لو هديتى و فكرتى شويه تلاقى انك اتسرعتى و الموضوع مش مستاهل .. و فى نفس الوقت متشيليش منه لانك هتنفجرى فيه فى الاخر .. حاولى تتكلمى باسلوب نقاش هادى و عاقل يليق بيكى 4.نشاطات جديده حاولى تخلقى وقت و فلوس و طاقه للحاجات دى كل فتره حاجه جديده .. هتقوى علاقتكو ببعض جداً 5.قدريه محدش بيزهق من كلمه شكراً و من التقدير .. مهما كانت حاجه بسيطه اللى عملها حسسيه انها كبيره بالنسبه لك .. بس خللى بالك متتماديش .. عشان ميحسش انك بتمثلى 6.عقد الجواز عقد مش مكتوب شروطه .. بس لازم تكون واضحه و محدده كل واحد واجباته و حقوقه ايه … هتتفادى مشاكل كتير .. و الاوله شرط اخره نور 7.كلامك عارفه مقوله لكل مقام مقال ؟؟ مطلوبه اوى هنا لازم تبقى عارفه هتقولى ايه و امتى و هتفتحى الموضوع ازاى 8.خليكى عفويه على طبيعتك زى ما هو حبك و اختارك .. افتكرى حاجات كنتى بتعمليها زمان و هو كان بيحبها بس اتنست مع الوقت 9.اكبرى مع الوقت بتتعلمى حاجات كتير و بتتغيرى فى حاجات كتير ..اقعدى مع نفسك كل فتره و حاولى تعرفى اتغيرتى ف ايه .. للاحسن ولا للاسوأ .. و هو كمان .. اللى بقى احسن فيه شجعيه عليه و الاسوأ حاولى تغيريه فيه من غير انتقاد 10.حافظى على علاقتك بصاحباتك حلو اوى انكو تكونوا اقرب اتنين لبعض .. بس مش دايماً هتلاقى منه نفس رد الفعل اللى انتى متوقعاه من صاحبتك .. فى مواضيع ليه .. بس فى مواضيع لصحابك .. ده غير اهميه انك يبقالك حياتك الخاصه فى اوقات .. دة بيديكى شويه غموض مطلوب …